جفه بروحي العطش ما لاحني السيل..
ولا حزن الكلب بالمستحه ايميل….
لون تعرف وحشتي بوكت الفراك..
مثل صفنة يتيم بوحشة الليل….

ما ارجع بعـــــــد واحجيلك اسرار

وابيع الروح كلمه اعله المسـامع
طفل ضايع طلع كل ما مضه وياك
وبذان الناس تقـــــــــراه الجوامع
يانكَلة جدم .. ما اقنـــــــــــع بيوم
يحن مثلك عله خـــــدود الشوارع
ولا اطمع اقشـــــمر روحي بدواك
وتضمّدلي المـــــــواجع بالمواجع
اظل لياوكت انـزفـــــــــــلك اشعار
وتكَلي بكل صــلافه .. الله .. رائع
انه اشعاري جــــرح لو رادت تنام
تفزز جرح ثــــــــــــاني اتكَله تابع
يالهمك عليه يدلـي بالنــــــــــــوح
مثل بصمه وتدلــــي اعله الاصابع
نام ابغار غــــــــــــدرك ما ارد ناي
الموتي بنغم .. انطــــــــــــيك دافع
واكَطع حبل ضـــــــنك مني ماعود
اكَطع نحر ورده باب كَــــــــــــاطع
عرفت المانفع ينعـــــــد على الضار
ليش انت اليضـــــــــرني تعدّه نافع
الكلشي يضيع ممكن تلكَه تعويض
واعوضه بيش بختي وياك ضايع!
من طبع الجرح يغفه اعله الدموع
وجرحك وين جرحك .. بالمدامع

مساجله شعرية (شايب وبنيه زغيرونه)

ريت الشباب ايعود وتعنه لاهلج,,,وريت الخوات هواي بيهن ابدلج,,,,,,

رد البنت,,,,,

ياجدي وكتك راح والنفس خضره ,,,,,عيب اليحجي بشوك الكاضي عمره,,,,,

ردالشايب الشايب ,,,,,,,,,

ياترفه خضره الروح ليش التعدي,,,, اثرت بيه هواي كلمت يجدي,,,,

ردت البنت,,,

لاتزعل من الريم لو نفر منك ,,,,,دور على اليهواك من صغر سنك,,,

رد الشايب,,,,

ادري بقطار الشوك مر وجفاني ,,,,دارن عليه أثنين شيبي وزماني

كضت سنين عمري وخلصت شوك
وعلى عشك الجنيتة تهمل العين
العشك ينظلم لوينتهي بساعات
تكلي شلون واحنة باربع سنين

انة البيت عندي وكلشي حاويه
بالأيجار الوكت كعدني بالدار
وكلت بكليبي اسكن مايهمني البيت
طلع حتى الكلب كاعد بالأيجار

تصح ومضة شعر تفرش دواوين
ويصح ديوان مايفرش حصيرة
وتصح كومة زلم ماتسوة فلسين
ويصح شخص مثلك يسوة عشيرة

انة البيت عندي وكلشي حاويه
بالأيجار الوكت كعدني بالدار
وكلت بكليبي اسكن مايهمني البيت
طلع حتى الكلب كاعد بالأيجار